Ye Jadu-E-Jamal Kisi Dida-War Se Puchh

ye jādū-e-jamāl kisī dīda-var se pūchh

ā.īna kyā batā.egā merī nazar se pūchh

iz.hār-e-dard merī zabāñ se na ho sakā

ai shoḳh dil kā haal mirī chashm-e-tar se pūchh

ahd-e-bahār meñ bhī gulāboñ ke kyuuñ haram

mismār ho rahe haiñ nasīm-e-sahar se pūchh

vahshat meñ bhī kiyā huā kyā kyā nahīñ huā

kuchh apnī rahguzār se kuchh sañg-e-dar se pūchh

shām-e-visāl dost kahāñ kho ga.ī ‘shamīm’

vīrānī-e-hayāt kī is dopahar se pūchh

Leave a Comment