ye jadu-e-jamal kisi dida-var se puchh
a.ina kya bata.ega meri nazar se puchh
iz.har-e-dard meri zaban se na ho saka
ai shoḳh dil ka haal miri chashm-e-tar se puchh
ahd-e-bahar men bhi gulabon ke kyuun haram
mismar ho rahe hain nasim-e-sahar se puchh
vahshat men bhi kiya hua kya kya nahin hua
kuchh apni rahguzar se kuchh sang-e-dar se puchh
sham-e-visal dost kahan kho ga.i ‘shamim’
virani-e-hayat ki is dopahar se puchh
Leave a Reply