Anjum Barabankvi
dil ka gulab main ne jise chuum kar diya
us ne mujhe bahar se mahrum kar diya
ab phuul kya khilen ki jahan pattiyan nahin
mausam ne shaḳh shaḳh ko masmum kar diya
ghar-bar chhoḌ kar vo faqiron se ja mile
chahat ne badshahon ko mahkum kar diya
in ansuon se dil ki tapish aur baḌh ga.i
barish ne aur bhi mujhe maghmum kar diya
ye aarzu hai us pe koi na.at likh sakun
jis ne gunahgar ko ma.asum kar diya
‘anjum’ janab-e-mir ka ye faiz-e-ḳhas hai
ham ne bhi apne dard ko manzum kar diya
Leave a Reply