Tan Se Jaan Ka Qadam Nikalta Hai

Poet

tan se jaan ka qadam nikalta hai

ab koi dam men dam nikalta hai

sair kar inqilab-e-alam ki

thekra le ke jam nikalta hai

ai pari shab jo huur ko dekha

tera andaz kam nikalta hai

khalq marti hai ku-e-qatil men

taur-e-mulk-e-adam nikalta hai

chhod but-khane ko tire hathon

barhaman ai sanam nikalta hai

kucha-e-zulf se tire ai but

bach ke shaikh-e-haram nikalta hai

saaf ai huur tere kuche men

rang-e-bagh-e-iram nikalta hai

jan-e-jan tujh pe jaan jaati hai

dam nikalta hai dam nikalta hai

tegh-e-qatil hai ‘arsh’ zahr-alud

mere zakhmon se sam nikalta hai