yahan ke rang baḌe dil-pazir hue hain
dayar-e-ishq ke hakim faqir hote hain
har ek dil men to ye barchhiyan utarti nahin
koi koi to nazar ke asiir hote hain
hujum-e-bul-havasi ke ghane andheron men
kuchh aise gham bhi hain jo dast-gir hote hain
har aise-vaise se qufl-e-qafas nahin khulta
is imtihan ke liye kuchh haqir hote hain
tumhare shahr men kis ko hai jaan dene ka shauq
magar vahan bhi jo sahab-zamir hote hain
Leave a Reply