Poet
is bazm men na hosh rahega zara mujhe
ai shauq-e-harza-taz kahan le chala mujhe
ye dard-e-dil hi ziist ka baais hai chara-gar
mar jaunga jo aai muafiq dava mujhe
is zauq-e-ibtila ka maza us ke dam se hai
sab kuchh mila mila ho dil-e-mubtala mujhe
dair-o-haram ko dekh liya khaak bhi nahin
bas ai talash-e-yar na dar dar phira mujhe
ye dil se duur ho na dikhae khuda vo din
zalim tira khayal hai dil se siva mujhe
ranj-o-malal o hasrat-o-arman-o-arzu
jaane se ek dil ke bahut kuchh mila mujhe
main janta huun aap hain mast apne haal men
‘bekhud’ nahin hai aap se mutlaq gila mujhe
Leave a Reply