muneer-niyazi

Dil Ajab Mushkil Mein Hai Ab Asl Raste Ki Taraf

dil ajab mushkil men hai ab asl raste ki taraf

yaad pichhe khinchti hai aas aage ki taraf

chhod kar nikle the jis ko dasht-e-ghurbat ki taraf

dekhna sham-o-sahar ab ghar ke saae ki taraf

hai abhi aghaz din ka is dayar-e-qaid men

hai abhi se dhyan saara shab ke pahre ki taraf

subh ki raushan kiran ghar ke dariche par padi

ek rukh chamka hava men us ke shishe ki taraf

duriyon se pur-kashish hain manzilen donon ‘munir’

main ravan huun khvab men napaid qarye ki taraf

More Poems

Leave a Comment