Muneer Saifi
dasht-dar-dasht chamakta raha dariya kaisa
tujh ko dhoka hua ai dida-e-bina kaisa
jagmagate hue shahron ko bhala kya ma.alum
chachahata hai daraḳhton pe savera kaisa
dosto chhanv ghani dekh ke Thahra na karo
bhagte abr ke TukḌe ka bharosa kaisa
karbala gher ke baiThi hain yazidi faujen
bil-muqabil hai husain aaj akela kaisa
raat jab dastaken darvaze pe deti hai ‘munir’
kanpne lagta hai dil ḳhauf se mera kaisa
Leave a Reply