ankhon men tha pyaar labon par naam vafa ka tha
kal tak to vo shaḳhs bhi bilkul mere jaisa tha
apni apni muTThi men sab jugnu rakkhe the
lekin sab ki rahon men kitna andhiyara tha
andhi aane se pahle hi bachche jaag ga.e
raat havaon ke chalne men shor bala ka tha
halki si bauchhar ne saare naqsh miTa Daale
rang hamari tasviron ka kitna kachcha tha
pyaas ki shiddat baḌhte hi malum hua ham ko
jaan bachane men sahil se aage dariya tha
aaj na jaane kya kuchh dekh ke chup ho jaata hai
kal tak ye a.ina bilkul mere jaisa tha
Leave a Reply