Aftab Shamsi
talash-e-qafiya men umr sab guzari hai
tu pukhtagi jise kahta hai kham-kari hai
sabhi hain apne magar ajnabi se lagte hain
ye zindagi hai ki hotel men shab guzari hai
vo saare din raha daftar men aur raat dhale
nazar ke kaase men ik khvab ka bhikari hai
kuchh aisa bichhda huun khud se ki mil nahin sakta
agarche kaam ba-zahir ye ikhtiyari hai
na jaane kyuun miri ankhon men chubh rahi hai aaj
safed saari pe jo ye siyah dhari hai
mujhe class men aksar ye qaul yaad aaya
vo kamyab moallim hai jo madari hai
Leave a Reply