tumhare ba.ad jo bikhre to ku-ba-ku hue ham
phir is ke ba.ad kahin apne ru-ba-ru hue ham
tamam umr hava ki tarah guzari hai
agar hue bhi kahin to kabhu kabhu hue ham
yuun gard-e-rah bane ishq men simaT na sake
phir asaman hue aur char-su hue ham
rahi hamesha darida qaba-e-jism tamam
kabhi na dast-e-hunar-mand se rafu hue ham
ḳhud apne hone ka har ik nishan miTa Daala
‘shanas’ phir kahin mauzu-e-guftugu hue ham
Leave a Reply