Athar Shakeel
ye ishq-e-na-murad bhi kis gumrahi men hai
khiḌki men jo kabhi tha vo chehra gali men hai
har sub.h chheḌti hain havaon ki ungliyan
poshida ek phuul jo nannhi kali men hai
jaise har ek ang hai ankhen liye hue
kya turfa ehtiyat tiri sadgi men hai
nakam zindagi ho ki nakam ishq ho
jiine ki aarzu to miri jaan sabhi men hai
zardar-o-hukmaran men insan ka ehtiram
agli sadi men tha na ye ab ki sadi men hai
tujh se bichhaḌ ke sab ki nazar men rahega kya
ab tak to ye ‘shakil’ tiri raushni men hai
Leave a Reply