ye iqamat hamen paigham-e-safar deti hai
zindagi maut ke aane ki ḳhabar deti hai
zal-e-duniya hai ajab tarah ki allama-e-dahr
mard-e-din-dar ko bhi dahriya kar deti hai
baḌhti jaati hai jo mashq-e-sitam us zalim ki
kuchh mohabbat miri islah magar deti hai
fa.eda de tire bimar ko kya ḳhaak dava
ab to iksir bhi diije to zarar deti hai
sham.a ghabra na shab-e-gham se ki koi dam men
tujh ko kafur-e-safedi-e-sahar deti hai
ghuncha hansta hai tire aage jo gustaḳhi se
chaTḳhana munh pe vahin bad-e-sahar deti hai
sham.a bhi kam nahin kuchh ishq men parvane se
jaan deta hai agar vo to ye sar deti hai
dam-ba-dam zaḳhm pe ik zaḳhm hai dam lene ki
mujh ko fursat nahin vo tegh-e-nazar deti hai
kahte sunte nahin kuchh ham to shab-e-hijr men par
nala-e-dil ka javab ah-e-jigar deti hai
tira-baḳhti miri karti hai pareshan mujh ko
tohmat is zulf-e-siyah-fam pe dhar deti hai
naḳhl-e-mizhgan se hai kya janiye kya chashm-e-samar
chashm paani ki jagah ḳhun-e-jigar deti hai
deti sharbat hai kise zahr bhari aankh tiri
ain ehsan hai vo zahr bhi gar deti hai
koi ghammaz nahin meri taraf se ai ‘zauq’
kaan us ke miri fariyad hi bhar deti hai
Leave a Reply