nahin ho tum to aisa lag raha hai
ki jaise shahr men curfew laga hai
mire saa.e men us ka naqsh-e-pa hai
baḌa ehsan mujh par dhuup ka hai
koi barbad ho kar ja chuka hai
koi barbad hona chahta hai
lahu ankhon men aa kar chhup gaya hai
na jaane shahr-e-dil men kya hua hai
kaTi hai umr bas ye sochne men
mire baare men vo kya sochta hai
bara.e naam hain un se marasim
bara.e naam jiina paḌ raha hai
sitare jagmagate ja rahe hain
ḳhuda apna qasida likh raha hai
gulon ki baten chhup kar sun raha huun
tumhara zikr achchha lag raha hai
Leave a Reply