Aziz Warsi
ye inkishaf chaman men hua bahar ke ba.ad
ik aur daur bhi hai daur-e-ḳhush-gavar ke ba.ad
raha to huun main nasheman men muddaton lekin
kabhi bahar se pahle kabhi bahar ke ba.ad
dil-e-hazin ko shab-e-gham bahut fareb diye
na aa.i niind magar tere intizar ke ba.ad
jamal-e-ghuncha-o-gul par nigah kaun kare
jamal-e-ghuncha-o-gul hai jamal-e-yar ke ba.ad
bahar men jo mujhe rind kah rahe hain ‘aziz’
vo parsa bhi kahenge mujhe bahar ke ba.ad
Leave a Reply