shajar kalam karen shahr bhi naya ho jaa.e
main ek ism paḌhun aur mo.ajiza ho jaa.e
ye log fart-e-tahayyur se mar bhi sakte hain
agar ye ḳhvab haqiqat men runuma ho jaa.e
gale milo ki salamat hain aaj ham donon
kise ḳhabar ki yahan kaun kab juda ho jaa.e
ye barmala jo main iqbal-e-ishq karta huun
ajab nahin ki mujhe ishq men saza ho jaa.e
ye dil qayam pe maa.il hai in dinon varna
asa uTha.un to dariya bhi rasta ho jaa.e
Leave a Reply