Abrar Ahmad
aur kya rah gaya hai hone ko
ek aansu nahin hai rone ko
khvab achchhe rahenge an-dekhe
khaak achchhi rahegi sone ko
ye mah-o-sal chand baaqi hain
aur kuchh bhi nahin hai khone ko
na-rasai ka ranj laae hain
tere dil men kahin samone ko
chashm-e-nam chaar ashk aur idhar
daagh ik rah gaya hai dhone ko
baithne ko jagah nahin milti
kya karen odhne-bichhaune ko
tu kahin baith aur hukm chala
ham to hain tera bojh dhone ko
yaad bhi teri mit gai dil se
aur kya rah gaya hai sone ko
Leave a Reply