Ye Hausla Bhi Kisi Roz Kar Ke Dekhungi

ye hausla bhi kisi roz kar ke dekhungi

agar main zakhm huun us ka to bhar ke dekhungi

kisi taraf koi ziina nazar nahin aata

main us ke zehn men kyun-kar utar ke dekhungi

main raushni huun to meri pahunch kahan tak hai

kabhi charagh ke niche bikhar ke dekhungi

suna dorahe pe ummid ke sarae hai ek

main apni raah usi men thahar ke dekhungi

Leave a Comment