Kisi Bhi KHanaman-Barbaad Se Nahin Hoga

kisī bhī ḳhānamāñ-barbād se nahīñ hogā

hamārā ishq to farhād se nahīñ hogā

tumhārī daad yā be-dād se nahīñ hogā

hamārā sher hai imdād se nahīñ hogā

ye lafziyāt ye bandish ye fikr farsā.ī

ye kaam vo hai jo naqqād se nahīñ hogā

yuuñ khīñchtā huuñ ġhazal meñ tire badan ke ḳhutūt

ye jān-e-man kisī bahzād se nahīñ hogā

agar huā bhī rihā.ī kā gar koī imkān

huzūr minnat-o-fariyād se nahīñ hogā

Leave a Comment