kisi bhi ḳhanaman-barbad se nahin hoga
hamara ishq to farhad se nahin hoga
tumhari daad ya be-dad se nahin hoga
hamara sher hai imdad se nahin hoga
ye lafziyat ye bandish ye fikr farsa.i
ye kaam vo hai jo naqqad se nahin hoga
yuun khinchta huun ghazal men tire badan ke ḳhutut
ye jan-e-man kisi bahzad se nahin hoga
agar hua bhi riha.i ka gar koi imkan
huzur minnat-o-fariyad se nahin hoga
Leave a Reply