dil ka safar bas ek hi manzil pe bas nahin
itna khayal us ka hamen is baras nahin
dekho gul-e-ahar-e-asar dasht-e-sham men
divar-o-dar koi bhi kahin pesh-o-pas nahin
aaya nahin yaqin bahut der tak hamen
apne hi ghar ka dar hai ye bab-e-qafas nahin
aisa safar hai jis ki koi intiha nahin
aisa makan hai jis men koi ham-nafas nahin
aaegi phir bahar isi shahr men ‘munir’
taqdir is nagar ki faqat khar-o-khas nahin
Leave a Reply