Ali Zaryoun
man jis ka maula hota hai
vo bilkul mujh sa hota hai
ankhen hans kar puchh rahi hain
niind aane se kya hota hai
miTTi ki izzat hoti hai
paani ka charcha hota hai
janta huun mansur ko bhi main
apne hi ghar ka hota hai
achchhi laḌki zid nahin karte
dekho ishq bura hota hai
vahshat ka ik gur hai jis men
qais apna bachcha hota hai
ba.az-auqat mujhe duniya par
duniya ka bhi shub.h hota hai
tum mujh ko apna kahte ho
kah lene se kya hota hai
Leave a Reply