talash-e-qabr men yuun ghar se ham nikal ke chale
kafan baghal men liya munh pe khaak mal ke chale
hava khilani thi duniya ki meri mayyat ko
uthane vaale jo kandha badal badal ke chale
jagah na di hamen us shama-ru ne pahlu men
havas bujhane ko aae the aur jal ke chale
utha ke bazm se ham le chale jo khalvat men
qadam qadam pe vo ruthe machal machal ke chale
yahan tak aae hain tai ham do-manzila kar ke
tumhari bazm men pahunche hain aj-kal ke chale
shahid-e-naz ki mayyat jo dekhi gul-dar-gul
kafan khasut jo aae the haath mal ke chale
kamand-e-kakul-e-pechan se duur duur rahe
qaza tale jo ‘sharaf’ us bala se tal ke chal
Leave a Reply