Maikash Badayuni
ye hadse mire fan ko nikhar bhi denge
hayat ko nafas-e-sho.ala-bar bhi denge
ye ungliyan ki jo raqsan hain saz-e-ishrat par
ham un se kakul-e-giti sanvar bhi denge
ḳhizan-rasida ye ghunche ye ḳhar-o-ḳhas ya sumum
chaman ko muzda-e-fasl-e-bahar bhi denge
payam-e-sub.h-e-masarrat kahan muqaddar men
kisi tarah jo shab-e-gham guzar bhi denge
kuchh aur socho mire haq men dushmanon ki mujhe
mata-e-gham to mire gham-gusar bhi denge
kise ḳhabar thi ki alam-e-zindagi ‘maikash’
ḳhumar-e-bada-e-ishrat utaar bhi denge
Leave a Reply