ye ghunghaT kya burqa kya rida kya
uTha jab aankh ka parda raha kya
ye sach hai peT hi ḳhali agar ho
kisi ka ghamza-o-naz-o-ada kya
hava gar jail ki khaa.e na leader
use khaddar pahanne ka maza kya
mohazzab hi rahe ta.alim ke baad
to phir schōl men tum ne paḌha kya
ho daḳhil jab hava men oxigen
abas koi kare fikr-e-ghiza kya
uTha kar pi liya ik jam-e-rangin
faqat ḳhushbu hi us ki sunghta kya
nahin maan baap ki izzat salamat
chachi kya chiiz hai ‘hashim’ chacha kya
Leave a Reply