Ye Faza-E-Saz-O-Muzrib Ye Hujum-E-Taj-E-Daran

Aziz Hamid Madni

ye faza-e-saz-o-muzrib ye hujum-e-taj-e-daran

chalo aao ham bhi niklen ba-libas-e-sogvaran

ye fusun-e-ru-e-laila ba-azab-e-jan-e-majnun

vahi husn-e-dasht-o-dar hai ba-tavaf-e-jan-nisaran

gham-e-karvan ka aḳhir koi ruḳh na us se chhuTa

vo hadis kah ga.i hai ye hava-e-rah-guzaran

vo ta.assub-e-barhaman jo sanam ko Dhalta hai

ruḳh-e-naqsh par bhi aaya ye sipas-e-naqsh-e-karan

ba-ḳhayal-e-dost aḳhir koi ḳhvab-e-ham-kinari

koi ḳhvab-e-ham-kinari shab-e-ḳhvab-e-be-qararan

sar-e-kisht-e-ghair kya kya ye ghaTa baras rahi hai

koi ham se aa ke puchhe asar-e-dua-e-baran

vo shikast-e-ḳhvab-e-mahfil vo hava ke chaar jhonke

lagi dil pe tiir ban kar dam-e-sub.h yad-e-yaran