ye farsh-o-arsh kya hai allah janta hai
pardon men kya chhupa hai allah janta hai
jo bhi bura-bhala hai allah janta hai
bandon ke dil men kya hai allah janta hai
laakh apne dil ka sikka duniya se tu chhupae
khoTa hai ya khara hai allah janta hai
ja kar jahan se vapas aata nahin hai koi
vo baam kaun sa hai allah janta hai
ye sub.h-o-sham dekho ye dhup-chhanv dekho
sab kyuun ye ho raha hai allah janta hai
neki-badi ko apni kitna hi tu chhupae
allah ko pata hai allah janta hai
qismat ke naam ko sab jaane nahin hain ‘aḳhtar’
qismat men kya likha hai allah janta hai