jalva-e-sham hai ye sub.h ka manzar to nahin
chand kaisa bhi ho suraj ke barabar to nahin
qaht-e-shamshad-e-qadan vaj.h-e-sar-afrazi hai
varna sarkar kuchh aise bhi qad-avar to nahin
ism-e-azam koi phunke to ye jaadu TuuTe
but bane sehr se ham-sang ke paikar to nahin
kaam aa.egi sarv-o-sang ki nisbat varna
dar-numa naqsh hain divar pe ye dar to nahin
jazba-e-shauqat-e-ta.amir bana marqad-e-shauq
is na.e shahr ke ye taj-mahal ghar to nahin
Leave a Reply