Un Se Izhaar-E-Shikayat Karun Ya Na Karun

un se iz.hār-e-shikāyāt karūñ yā na karūñ

lab pe larzāñ sī hai ik baat karūñ yā na karūñ

khīñch laa.e na kahīñ phir ye mohabbat kī kashish

jur.at-e-tark-e-mulāqāt karūñ yā na karūñ

merī ḳhāmoshī-e-paiham kā unheñ shikva hai

zikr-e-be-dardī-e-hālāt karūñ yā na karūñ

hai ġham-e-hāl meñ insān pareshāñ-ḳhātir

fikr-e-fardā kī koī baat karūñ yā na karūñ

Leave a Comment