kisi ishq-o-rizq ke jaal men nahin aa.ega
ye faqir ab tiri chaal men nahin aa.ega
main mana to lunga use magar vo ana-parast
miri samt ab kisi haal men nahin aa.ega
main kahunga harf-e-talab kuchh aise kamal se
mira dard mere saval men nahin aa.ega
kabhi apni ek jhalak mujhe bhi navaz de
koi farq tere jamal men nahin aa.ega
yahi mehnaton ka sila raha to phir ai ḳhuda
mujhe lutf-e-rizq-e-halal nahin aa.ega
Leave a Reply