Dikha Do Gar Mang Apni Shab Ko To Hashr Barpa Ho Kahkashan Par

dikha do gar maang apni shab ko to hashr barpa ho kahkashan par

chuno jabin par kabhi jo afshan to niklen taare na asman par

nahin hain shabnam ke subh qatre ye barg-e-gul-ha-e-bostan par

ba-yad-e-atish-rukhan phaphule pade hain har phuul ki zaban par

kahan sar-e-shama par hai shoala nigah tuk kiije shama-dan par

ki ustukhan hai ghiza hamari huma ye baitha hai ustukhan par

asir-e-nau ki khabar le aa kar zara tu sayyad-e-zulm-pesha

yahan talak huun qafas men tadpa ki mere saare hain dhajjiyan par

hamare is ru-e-zard par jo sarishk-e-afshan hai abr-e-mizhgan

na dekhi laali kabhi barasti kisi ne yuun kisht-e-zaafaran par

koi gharibon ke marne se hava bandhi hai kisi ki zalim

agar sulaiman-e-vaqt hai to qadam na rakh mor-e-na-tavan par

bana ke aina saaf us ko kiya hai husn-e-ada se vaqif

ilahi aina-saz ki ab shitab patthar pade zaban par

jahan men us ke shahid ka ho na kyunki rutba buland yaaro

yahi hai mearaj ashiqon ki jo sar ho baad-az-fana sinan par

kare chaman men na kyunki barpa tira ye buuta sa qad qayamat

nisar ankhon pe kya hai nargis ki ghuncha qurban hai dahan par

rahi hai bazm-e-jahan men munim sada bulandi ke saath pasti

bisan-e-favvara qasd mat kar zamin se jaane ka asman par

safar adam ka kahan kare hai ye bahr-e-hasti se ek dam men

hubab chashmak-zani kare hai khizar tiri umr-e-javedan par

umiid kya charkh-e-sifla-parvar hamen ho ab tujh se ek naan ki

ki tere hathon se mah-e-nau ne yahan qanaat ki niim naan par

‘nasir’ kahte to sab yahan hain ki us ke ashiq hain ham va-lekin

bada sitam ho bada ghazab ho agar vo aa jaae imtihan par

Leave a Comment