Poet
TuuTe hue peḌ gin raha huun
main apne paron ko dekhta huun
lab-basta huun phir bhi bolta huun
yaar ḳhud se nabard-azma huun
basti koi rah na jaa.e baaqi
dar dar pe sada laga chuka huun
honTon pe sukut ḳhamushi hai
lamhon ke hisar men ghira huun
raste hain tamam aTe aTe se
main kaise kahun gurez-pa huun
ai nahr-e-furat de gavahi
pyason ka ḳhiraj mangta huun
shayad koi shahsavar nikle
sahra pe kamand Dalta huun
ḳhud par yaqin uTh chala hai
ab raat Dhali to so gaya huun
Leave a Reply