Hasan Abbasi
jab us ka naam labon par dua ke saath utre
to chand aankh men koi ghaTa ke saath utre
tumhari yaad utarti hai is tarah dil men
ki jaise sahn men barish hava ke saath utre
kabutaron ki tarah uḌte hain tire gham bhi
ki dil ki chhat pe to pahli sada ke saath utre
faraz-e-koh se aata hai jis tarah paani
kabhi vo aankh se aisi ada ke saath utre
main niind vaadi men jab bhi ‘hasan’ utarne laga
hazar rang ke sapne bhi aa ke saath utre
Leave a Reply