Aawaza-E-KHayal Kahin Gunjta Hua

āvāza-e-ḳhayāl kahīñ gūñjtā huā

aur us pe saarā sahn-e-suḳhan jāgtā huā

dast-e-duā buland huā thā yahīñ kahīñ

apne liye ḳhudā se tujhe māñgtā huā

āḳhir meñ thak ke baiTh gayā ḳhushk ghaas par

phūloñ ke darmiyān tujhe DhūñDhtā huā

hairat hamārī aañkh ko lalkārtī huī

manzar darūn-e-ḳhvāb koī dauḌtā huā

logoñ ke saath saf meñ khaḌā ho gayā ‘vasīm’

farz-e-kifāya meñ bhī ise jāntā huā

Leave a Comment