Poet
vasl ki raat hai aḳhir kabhi uryan honge
main pasheman huun to kya vo na pasheman honge
aap mar ja.unga tu aa ki na aa o zalim
aaj vo din hai ki mujh par mire ehsan honge
ghair ki shakl banenge kabhi ḳhud un ka shauq
ham bhi dekhen to kahan tak na vo pursan honge
dil jo ruTha to manane se kahin manta hai
ye sitam ba.is-e-hasrat tujhe ai jaan honge
aaj bahrup adu ka hai banaya main ne
ab to vo bhi mire andaz pe qurban honge
un ko pahnenge mire dasht-e-junun ke kanTe
ye vo daman hain ki aḳhir ko gareban honge
barhami duri-e-janan men unhen hogi ‘nasim’
mere naale asar-e-fikr-e-ghazal-ḳhvan honge
Leave a Reply