Arsh Sahbai
ye dekhen raz-e-dil ab kaun karta hai ayaan pahle
nazar karti hai iz.har-e-mohabbat ya zaban pahle
agar ho dekhna maqsud barbadi ka nazzara
jila kar dekhiye ik baar apna ashiyan pahle
pahunch kar manzil-e-hasti pe ye ehsas hota hai
ki guzre hain yahan se aur bhi kuchh karvan pahle
ka.i ma.asum kaliyan jo abhi khilne na paa.i huun
masal dete hain apne haath se ḳhud baghban pahle
Thahar ai gardish-e-ayyam ham bhi saath chalte hain
uTha lene de faiz-e-sohbat-e-pir-e-mughan pahle
Leave a Reply