ye daur-e-masarrat ye tevar tumhare
ubharne se pahle na Duben sitare
bhanvar se laḌo tund lahron se uljho
kahan tak chaloge kinare kinare
ajab chiiz hai ye mohabbat ki baazi
jo haare vo jiite jo jiite vo haare
siyah naginen ban ke Dasti hain kirnen
kahan koi ye roz-e-raushan guzare
safine vahan Duub kar hi rahe hain
jahan hausle na-ḳhudaon ne haare
ka.i inqilabat aa.e jahan men
magar aaj tak din na badle hamare
‘raza’ sail-e-nau ki ḳhabar de rahe hain
ufuq ko ye chhute hue tez dhare
Leave a Reply