Alok Yadav
miri qurbaton ki ḳhatir yunhi be-qarar hota
jo miri tarah use bhi kahin mujh se pyaar hota
na vo is tarah badalte na nigah pher lete
jo na bebasi ka meri unhen e’tibar hota
vo kuchh aise Dhalta mujh men ki gham us ke mere hote
vo jo sogvar hota to main ashk-bar hota
mujhe chain lene deti kahan inqilabi fitrat
na musahibon men hota na main shah ka yaar hota
main usi ke naam karta ye hayat maut sab kuchh
mujhe zindagi pe ‘alok’ agar iḳhtiyar hota
Leave a Reply