tiri dosti ka kamal tha mujhe khauf tha na malal tha
mira rom rom tha hairati mira dil bhi mahv-e-dhamal tha
koi shakh-e-girya lipat gai mire sukhte hue jism se
main khizan ki rut men hara hua ye ”darud” hi men kamal tha
abhi reg-e-dasht pe sabt hain sabhi naqsh mere sujud ke
vo jo maarke ka sabab hua vahi harf-e-haq miri dhaal tha
miri raakh men thiin kahin kahin mere ek khvab ki kirchiyan
mere jism-o-jan men chhupa hua tiri qurbaton ka khayal tha
inhi hairaton men basar hui na khabar hui ki sahar hui
ye tamam arsa-e-zindagi ki muhit-e-sham-e-visal tha
Leave a Reply