Khaaliq Aur Takhliq

shair ne kaha

nazm likhi hai main ne

poshak ḳhayalat ki si hai main ne

ik aab nai suḳhan ko di hai main ne

tarikiyon men raushni ki hai main ne

tab nazm ne

ah-e-sard bhar ke ye kaha

main dast-e-havas se bhi gurezan ab tak

thi surat-e-bu-e-gul pareshan ab tak

lekin ye kya ki ho gai huun main aaj

alfaz ke avaz ke pinjre men asiir

paḌhne vaale ke valvale ki muhtaj

Leave a Comment