Poet
agarche ishq men aafat hai aur bala bhi hai
nira bura nahin ye shaghl kuchh bhala bhi hai
is ashk o aah men sauda bigad na jaae kahin
ye dil kuchh ab-rasida hai kuchh jala bhi hai
ye aarzu hai ki us bevafa se ye puchhun
ki mere be-maza rakhne men kuchh maza bhi hai
ye kaun dhab hai sajan khaak men milane ka
kasu ka dil kabhu paanv tale mila bhi hai
‘yaqin’ ka shor-e-junun sun ke yaar ne puchha
koi qabila-e-majnun men kya raha bhi hai
Leave a Reply