Sunta Hun Main Sadaen Ye Ashkon Ki Jhil Se

suntā huuñ maiñ sadā.eñ ye ashkoñ kī jhiil se

ab zindagī guzār to sabr-e-jamīl se

maiñ ne diye kī lau pe tirā ism kyā paḌhā

ik raushnī sī phuuT paḌī thī fasīl se

dil ko sukūn baḳhsh de ai ḳhāliq-e-jahāñ

tañg aa gayā hai ab ye jahān-e-zalīl se

kyoñ raas mujh ko ishq bhī aayā nahīñ miyāñ

kyoñ sāmnā huā mirā hijr-e-qalīl se

‘tāriq’ ab is qadar bhī na sachche bano yahāñ

rad bhī kiyā na jā sake tum ko dalīl se

Leave a Comment