Tariq Jawed
sunta huun main sada.en ye ashkon ki jhiil se
ab zindagi guzar to sabr-e-jamil se
main ne diye ki lau pe tira ism kya paḌha
ik raushni si phuuT paḌi thi fasil se
dil ko sukun baḳhsh de ai ḳhaliq-e-jahan
tang aa gaya hai ab ye jahan-e-zalil se
kyon raas mujh ko ishq bhi aaya nahin miyan
kyon samna hua mira hijr-e-qalil se
‘tariq’ ab is qadar bhi na sachche bano yahan
rad bhi kiya na ja sake tum ko dalil se
Leave a Reply