Ye Bhi Na Puchha Tumne Anjum Jita Hai Ya Marta Hai

ye bhi na puchha tum ne ‘anjum’ jiita hai ya marta hai

vah-ji-va ashiq se koi aisi ghaflat karta hai

nai javani nae-navele nadan alladh aur albele

sach puchho to tum ko sahib dil dete ji darta hai

puchhte kya ho haal hamara jiine ka hai kaun sahara

ro lete hain ji bhar bhar kar jab gham se ji bharta hai

un se nahin kuchh shikva ham ko un se nahin kuchh ranj-o-malal

kis se ai dil ishq kiya kis se chaah ko barta hai

rote rote hijr men kyun-kar jiine se dil ser na ho

kahte hain talab bhi sahib phevan phevan bharta hai

mujh ko to dil dene men kuchh uzr nahin ai jan-e-jahan

sach to ye hai dil hi khud kuchh aaga pichha karta hai

sail-e-sarishk-e-gham se ‘anjum’ khana-e-dil barbad na ho

dekho dekho kaaba ki buniyad men paani marta hai