ye barik un ki kamar ho ga.i
ki nazron men tar-e-nazar ho ga.i
paḌa donon zulfon ka un ki jo aks
nazakat se dohri kamar ho ga.i
gale chaḌhne masti men maston ke munh
baḌi duḳhtar-e-raz ye niDar ho ga.i
vo ab kaaT tegh-e-nigah ka nahin
kuchh ankhon par un ki nazar ho ga.i
mira naqd-e-dil maar baiThe hasin
ye daulat idhar se udhar ho ga.i
kiya un ke munh pe jo vasf-e-dahan
faqat ranjish is baat par ho ga.i
khuli ḳhvab-e-ghaflat se piiri men aankh
shab-e-naujavani sahar ho ga.i
lifafe par apna na likkha tha naam
ḳhata itni ai nama-bar ho ga.i
kiya hans ke sun kar saval-e-visal
tumhen jur.at ab is qadar ho ga.i
qadam rakhte hi khaḌkhaḌa maar richh
adu un ki zanjir-e-dar ho ga.i
ajal se koi kah de phir jaa.e aap
masiha ko mere ḳhabar ho ga.i
na jhuTon bhi utna kisi ne kaha
shab-e-gham tiri be-sahar ho ga.i
bure ya bhale haal guzri ‘qalaq’
gharaz har tarah se basar ho ga.i
Leave a Reply