Karamat Bukhari
ye badal gham ke mausam ke jo chhaT jaate to achchha tha
ye phaila.e hue manzar simaT jaate to achchha tha
ye dil tarik hujra hai ise raushan karo aa kar
ye din tarikiyon vaale jo kaT jaate to achchha tha
maqam-e-dil kahin abadiyon se duur hai shayad
magar ye fasle dal ke simaT jaate to achchha tha
ye daur-e-habs TuuTe to ham apna badban kholen
magar bad-e-muḳhalif men jo DaT jaate to achchha tha
kahin gard-e-malamat se kahin gard-e-nadamat se
ye chehre gard-e-gardun se jo aT jaate to achchha tha
Leave a Reply