Mera Shahid Wo Hamein Ayyar Aata Hai Nazar

mera shahid vo hamen ayyar aata hai nazar

ham ko ham paate nahin jab yaar aata hai nazar

kasrat-e-shauq-e-mohabbat men mujhe har tarah se

jis taraf dekhun rukh-e-dil-dar aata hai nazar

jaan ka dhoka hamen hota hai rah-e-ishq men

marg ka har ek dam asar aata hai nazar

dagh-e-hijran ke siva laaya na ku-e-yar se

jo koi is raah ka bimar aata hai nazar

pa-barahna siina biryan hai tan-e-uryan vahi

jo ki us ka ashiq-e-sarshar aata hai nazar

raah se dair-o-haram ki hai jo ku-e-yar men

hai vahi din-dar gar kuffar aata hai nazar

baad muddat gardish-e-tasbih se ‘miskin’ hamen

dana-e-tasbih men zunnar aata hai nazar

Leave a Comment