hazar shukr ki andesha-e-ma.al gaya
koi kisi se jo kahne ko dil ka haal gaya
kahan kahan nahin donon ko dastaras hasil
vahin nigah bhi pahunchi jahan ḳhayal gaya
javab men na khulen lab to kya ilaaj us ka
hansi hansi men koi meri baat Taal gaya
ajab thiin falsafi-e-na-murad ki baten
yaqin ke saath mire dil men shak bhi Daal gaya
qadam qadam pe hue hosh gum ‘munavar’ ke
talash-e-dost ka sauda gaya ḳhayal gaya
Leave a Reply