baḌe saliqe se toḌa mira yaqin us ne
ki naam apne hi kar li hai sab zamin us ne
tabah shahr ko pahle kiya phir is ke ba.ad
hamare shahr men bheje tamash-bin us ne
nibhega kaise ta.alluq samajh nahin aata
ana ki Dor rakhi hai bahut mahin us ne
ḳhuda bana ke hamen pujne laga tha vo
bahut ḳharab kiya hai hamara diin us ne
zahin laḌki hai vo jis ke ishq men ham hain
bana diya hai hamen bhi bahut zahin us ne
Leave a Reply