Poet
kya ḳhushi hoti hai jis dam ghar mire vo aa.e hai
baḌhte baḌhte asman se sar mira lag jaa.e hai
chara-gar le le ke marham kis liye tu aa.e hai
jab talak phirte hain us men zaḳhm-e-dil bhar jaa.e hai
ek do nalon hi men tu ai falak ghabra gaya
us ke dil ko dekh jo rahta mire ham-sa.e hai
ek dham-dham ki sada aati hai kanon men baḌi
aaj phir divana tera sar kahin Takra.e hai
ai ḳhizar maiḳhane men ‘arif’ ka kab tak intizar
yaan chale aate hain jab dil un ka Tuk lahra.e hai
Leave a Reply