Havi Momin Abadi
‘havi’ nahin afsos ki mahfil se nikala
zalim ne magar aah mujhe dil se nikala
Duuba tha main to ain samundar ke miyane
hairat hai ki lasha mira sahil se nikala
kya tiir chalaya hai chaman men are gulchin
kal saans jo ik ta.ir-e-bismil se nikala
majnun ne mohabbat men hatheli pe dhara sar
laila ne faqat haath na mahmil se nikala
us ke to main ab vahm-o-guman men bhi nahin huun
main ne bhi mukammal use is dil se nikala
Leave a Reply