hamen khabar thi bachane ka us men yaara nahin
so ham bhi duub gae aur use pukara nahin
khud aftab miri raah ka charagh bane
magar ye baat mire chand ko gavara nahin
jo us men utri to tufan hi milenge mujhe
main janti huun ki vo mauj hai kinara nahin
ajab faza hai ki rang-e-numud-e-subh bhi hai
siyah raat ne bhi pairahan utara nahin
vajud jis ko kisi mo’tabar shajar ne diya
hava ki zad men bhi tinka vo be-sahara nahin
jalega khud bhi sahar tak mujhe bhi lau dega
charagh-e-sham koi bakht ka sitara nahin
Leave a Reply