Poet
mere honTon ka abhi zahar tire jism men hai
tu agar bichhḌa to kya chain se rah pa.ega
ai suḳhan-fahm mire sher se kya lagta hai
kya mire ba.ad mujhe yaad rakha ja.ega
main to is shauq men hota huun ki kuchh bolen log
bolna apna kabhi rang to dikhla.ega
tu jo ab saath nahin hai to yahi lagta hai
ab ḳhuda bhi to mire kaam nahin aa.ega
jo bhi kahna hai yahan jhuuT ke andaz men kah
sach agar tu ne kabhi bola to pachhta.ega
Leave a Reply